تواعدني
. ..............
آه منه الأسمراني
برموش عينيه ناداني
قربت منه حبه
حب وحنان سقاني
بوعدني كتير يوماتي
وبروح والشوق كاويني
طب ليه ديما بتوعد
وبتخلف في المعاد
و امتي هتوفي وعدك
يامطول في البعاد
تواعدني الف مره
وتقوللي إنك شاريني
لو لسه ناوي وصلي
طب امتي راح تجيلي
واما بقابلك واعاتب
بالدمع تقول نسيت
وتسيبني ساعات بعاني
من امتى انت اشتريت
وبرغم انك جارحني
عن كل الناس داريت
سألوني وقالوا مالك
لا نطقت ولا اشتكيت
هتفوت عليك ليالي
تندم وتقول ياريت
هتقولي قلبي رايد
والشوق في قلبي زايد
وهقولك انا انكويت
واه منه الأسمراني
اه منه الأسمراني
....................
زيدان المرسي
المنصوره ٢٠٢٦

ليست هناك تعليقات:
إرسال تعليق