اللي بيدفع بيعدي
وعلى العباد يدوس
مش مطلوب منه يهدي
فلتحيا الفلوس
يبني عماره لابد يعلي
مش مهم قتل النفوس
خدلك كام دور من عندي
والملف تمام مدروس
الأثاث بحديد مصدي
والاسمنت حجر مهروس
بيع شقق وهادي
للي قبض وابنه المحروس
لو فيه قضية ضدك وضدي
المضرور هو المنحوس
واللي بيدفع حياته وردي
نام واحلم من غير كابوس
واللي يغش فى قوتك وقوتي
لو تشتكي تصبح محبوس
انت الظالم والمفتري
انزل على رجليه وبوس
مين قال للغلبان يشتكي
خاف مالمفرمه والتروس
فى المصالح لابد ترضي
كل مخالفة ولها طقوس
ليه للأغنيه بتعادي
ليه تعمل ناصح فلحوس
بص لحالك ولربك ادعي
يكفيك شر ضعاف النفوس
(((أسامه جديانه)))
.png)
.png)
ليست هناك تعليقات:
إرسال تعليق